Ashaar mere yuun to Zamaane ke liye hain.

ash-aar mere yuun to zamaane ke liye hain
kuchh sher faqat unako sunaane ke liye hain

ab ye bhi nahin thik ki har dard mita dein
kuchh dard kaleje se lagaane ke liye hain

aankhon mein jo bhar loge to kaanto'n se chubhenge
ye khwaab to palako'n pe sajaane ke liye hain

dekhu'n tere haatho'n ko to lagata hai tere haath
mandir mein faqat deep jalaane ke liye hain

socho to badi cheez hai tahazib badan ki
varanaa to badan aag bujhaane ke liye hain

ye ilm ka sauda ye risaale ye kitaabein
ek shakhs ki yaado'n ko bhulaane ke liye hain


                                      (Bhavesh Ajudiya)