Usne mera haal poocha hai

Usne phir mera haal poocha hai

kitna mushkil sawaal poocha hai

hichkioon ka ajeeb lehja tha

baat to taal taal poocha hai

tum mujhay chordh to na jaogey

wastay daal daal poocha hai

ansoon ki zubaa'n me usne

jitna poocha kamal poocha hai

kya kabhi mil saken gaye hum dono

mujhse mera khayaal poocha hai

din guzarta hai kis tarha mera

kaisey guzrega saal poocha hai ..!